Galfridus de Say, secundus filius Beatricis sororis nostri fundatoris, vir erat in armis strenuus, sed in mundanis rebus minus sapiens et incircumspectus. Baroniam Essexiae, mediante septem millum marcarum conventione a rege haereditarie suscepit tenendam. Terminis solutionis advenientibus pecuniarum summa a fidejussoribus erat exacta sed minima persoluta. Videns enim vir nummosus Galfridus filius Petri qui jacet apud Soldham, baroniam illam vice uxoris suae filiae videlicet Willielmi de Say sibi jure hereditario devolvendam, vendicabat, et instabat opportune et importune penes regem et ejus ministros. Qui admissus erat, et pecuniam postulatam pro jam dicto Galfrido Say in brevi persolvebat.