Person:Ole Lund (2)

{geni:occupation} ærar, kyrkjesongar, lekpredikant og politikar i Skjåk

{geni:about_me} According to the sacristans book from Skjåk/Nordberg no. 4, 1895-1921, page 130: he is no. 5 on the topmost part of the page (translated to english): "5. Died Oct. 20th 1912, buried Nov. 1st 1912 and the priest threw the earth on the coffin Nov. 1st. 1912. Titles: G. [Gaardbruger (Farmer), fødemd. his son or son in laws income from the farm), Kirkes. (Church singer)]. Name: Ole Sölfestsen Lund. Born 1831. Born on the farm Eide, lived on the farm Austin. He died of old age. The doctor has been present lately and the probates office has been noticed about the death. http://www.arkivverket.no/URN:kb_read?idx_kildeid=5036&idx_id=5 http://www.lokalhistoriewiki.no/index.php/Ole_Lund :

Ole Sylfestsen Lund (fødd i Skjåk 2. mai 1831, død same stad i 1912) var lærar, kyrkjesongar, lekpredikant og politikar i Skjåk. I to periodar, 1876-1877 og 1886-1889, var han ordførar. Han var oppvaksen i eit haugiansk miljø, ogvar nær knytta til Gisle Johnsons vekkjingsrørsle frå 1850-åra av. Lund var leiarfiguren i den kristeleg-konservative motstanden mot venstrerørsla i bygda frå 1870-åra til inn på 1900-talet. Han vart både i samtida og i ettertid ofte omtala som Kirkesanger Lund.

Innhold [skjul]

1 Oppvekst og familie

2 Yrkeslivet

3 Politikk og anna samfunnsengasjement

4 Religiøs verksemd

5 Kjelder og litteratur

Oppvekst og familie

Han var fødd og oppvaksen på garden Eide (Lund) i Lundagrenda, nest yngst i ein syskenflokk på ni. Foreldra var gardbrukarparet Sylfest Olsen Eide (fødd 1783) og Live Iversdotter Lund (1793-1847). To av brørne til Ole Lund også gjorde seg gjeldande som lekpredikantar. Det var eldstebroren, som også heitte Ole eller Ola, gardbrukar på Eide, og Sylfest, som slo seg til i Oppdal.

I 1860 gifta Ole Lund seg med Embjørg Knutsdotter Flekkøy. Dei fekk 10 born saman, fødde i tidsrommet 1861-1885. Ein av dei var kunstmålaren Iver Lund.

Yrkeslivet

Året etter at dei gifta seg kjøpte Ole og Embjørg jord av Sevald Skjåkøygard og dyrka og bygde der opp småbruket Austin i grenda Øygardane i Nordberg.

Same året tok Lund til som lærar i heimbygda. Han praktiserte nokre år før han tok eitt års lærarskuleutdanning på Tynset 1865-1866. Så stod han i lærargjerninga i Nordberg sokn til 1894. Samstundes var han også kyrkjesongar i den nye Nordbergskyrkja.

I tidsrommet 1888-1892 var Lund postopnar i Nordberg.

Politikk og anna samfunnsengasjement

Særleg i åra rett før og under den andre perioden sin som ordførar 1886-1889, stod Lund i heftig strid med venstrerørsla i Skjåk, leia av Christian A. Hjelter og Ole Sivertsen Hyrve. Saman med sokneprest Prydz, lærar Hans Magnus Ørjasæter og sju gardbrukarar, alle frå Nordberg sokn, stilte Lund seg bak Opprop til kristendommens venner i 1883.

Lund hadde mange andre offentlege verv i tillegg til ordførarombodet. Mellom anna var han «2. direktør» i Skjåk brannkasse frå starten i 1869, og han var med i det fyrste forstandarskapet for Lom og Skjåk sparebank frå 1873.

Religiøs verksemd

Lunds sterke religiøse engasjement gjorde seg mange utslag. Han sat i styret for heidningmisjonsforeininga i Skjåk frå 1864 og likeins i styret for Skjåk indremisjon frå stiftinga i 1891. Han reiste ein god del som predikant i Gudbrandsdalen og elles over store delar av Austlandet og Sørlandet. Lund var blant talarane ved avdukinga av bautaen over Hans Nielsen Hauge på Bredtvedt i 1904, og var med i komiteen for organisering av to store lekmannsmøte i Kristiania 1906 og 1907.

Kristendomsforståinga hans hadde rot i haugianismen, og var sterkt påverka av Gisle Johnsons vekkingsrørsle frå 1850-åra. Lund var aktiv innan Lutherstiftelsen, som Johnson stifta i 1868.

Kjelder og litteratur

Bruheim, Mathias: Skjåk kyrkje 200 år. Skjåk sokneråd 1952

Hosar, Hans P.: Skjåk bygdebok bd 3. Skjåk kommune 1998

Lund, Ole: Livsminne. Handskrive manuskript. I privat eige, kopi i bygdebokarkivet. ADDR: NOTE {geni:current} 0