Family:Joos van Auwen and Catharina Bacx (1)

Catharina Bacx X Joos v. Auwen

Alsoe opten 15en December anno 1552 Heilwigh, wedue saliger Jans Bacx hadde in recht betrocken gehadt voer de wethouderen van den Bosch meester Reijneren Swijn, ende Marien zijne huijsvrouwe, wedue saliger Symonssoen des voirscreven saliger Jans Bacx, ter cause van zekeren contract opt ontfangerschap ons heeren des keijsers tusschen den voiscr. Jannen Bacx ende saliger Symon Bacx, beijde inne heurder tijt rentmeesteren int quartier vanden Bosch gemaict, vuijt crachte van den welcken confracte die voirscreven Heilwigh den voirscr. Meesteren Reijneren ende Marie zijnc huijsvrouwe, naegelatene wedue des voirscr. saliger Symons, heyschende was ƒ225 van twee jaere ende sess maenden verschenen ende noch voirts alle jaer ƒ50 soo lange sij Heilwigh soude levende wesen.
Item alsoo noch deselve Heilwigh ende Jacob Bacx, heur soen, den selven Reyneren ende Marie zijne huijsvrouwe bij sekere brieven ons heeren des keijzers ende sekere supplicatie daarinne beslooten aengesproken hadde van ƒ1080 onbegrepen min of meer, de welcke sij seeghden inden naeme ende tot ontlastinge vande voirscr.. Marie nae d'afflivicheijt van heuren iersten man Symon Bacx saliger, ter cause van sijn ontfangerschap verschoten te hebben....
(De partijen kwamen met de raadslieden bijeen en besloten dat Swijn ƒ1150 zou betalen maar dat de ƒ50 jaarlijks zouden vervallen. Van bun kant beloofden Jacob van Deventer als man van Barbara Bacx en Joost van Auwen als man van Catharina Bacx, beide dochters van Jan Bacx, Mr. Swijn verder nooit om verdere afdoening lastig te vallen).

Heer Frans, priestere, ende Jacob gebruederen, soenen wilner Johans Bacx, eertijts hoochrentmeester ons Heeren des Keijsers als hertogh van Brabant int quartier der stad van sHertogenbossche, vanden zelven wilner Johan ende wilner Heilwigen zijnder huijsvrouwen, dochter wilner Walters van den Hove tsamen verweckt; Jacob van Deventer Gheritsz, als wittich man ende mombair van Barbara sijnder huysvrouwe, ende Joost van Ouden als wittich man ende mombair soese zeeghden, van Catharijnken zijnder huijsvrouwe, dochteren wilner Johans ende Heijlwichs voernoempt, zoe voer hen selven als voer Pauwelsen en Andriessen. gebroederen oick sonen wilner Johans ende Heylwighs voornoempt, ende noch van Marcus vander Hulst als wittich man ende mombair van Anneken Zijnder huijsvrouwe, oick derselve wilner Johans ende Heylwichs voirscreven dochter, daervoir sij hen sterck maecten....